Kultura eta Euskara Departamentuaren aurrekontu zehatzaren berri izan nahi baduzue, Gipuzkoako Foru Aldundiaren Ogasun eta Finantza Departamentuaren webgunean kontsulta dezakezue. Bertan, onartutako aurrekontu guztien informazioa dago eskura, departamentuen, jarduera politiken, eskualdeen eta herrien arabera zehatz sailkatuta. Beraz, jarduera alor jakin bateko informazioa ez ezik, zuen herriko proiektuen berri ere izan dezakezue.

Departamentu bakoitzaren jarduera hainbat arlotan sailkatzen da. Kultura eta Euskara Departamentuari dagokionez, ondokoak dira jarduera politika nagusiak: Agiritegiak eta Museoak, Departamentuetako zerbitzu orokorrak, Euskararen normalkuntza, Informazioaren gizartea garatzea, Kultur sustapena eta hedapena, eta Ondare historiko-artistikoaren babesa.

Nahi duzuen herriari edota politikari buruzko informazioa bilatzeko, orriaren eskubiko menuan nahi dituzuen eremuak aukeratu eta proiektuen zerrenda azalduko zaizue, bideratutako diruarekin batera. Adibidez, ondare historiko-artistikoaren babesari buruzkoak bilatuz gero, ondare historiko, arkeologiko eta etnografikoa aztertu, ikertu eta babestera bideratutako aurrekontua azalduko zaizue; hau da, besteak beste, ondoko arloetara: eraikin erlijiosoen zaharberritzea, ondare zibilaren zaharberritzea, tresneria, eskuartze arkeologikoa, Zarauzko Santa Maria la Real-eko aztarnategia industu eta balioztatzea...