gipuzkoakultura - erakusketaktag:www.gipuzkoakultura2.net,2008:/erakusketak/62008-05-07T13:45:13ZMovable Type 3.35Behar gorria Primavera azul: azken egunaktag:www.gipuzkoakultura2.net,2008:/erakusketak//6.20422008-05-07T11:38:50Z2008-05-07T13:45:13Z Martxoaren 6an inauguratu genuen KOLDO MITXELENA Kulturuneko Erakustaretoan Behar gorria Primavera azul erakusketa. Hiru hilabete pasata, larunbatean, maiatzak 10, agur esango diogu Manu Muniategiandikoetxearen erakusketa honi....Gipuzkoakultura Martxoaren 6an inauguratu genuen KOLDO MITXELENA Kulturuneko Erakustaretoan Behar gorria Primavera azul erakusketa. Hiru hilabete pasata, larunbatean, maiatzak 10, agur esango diogu Manu Muniategiandikoetxearen erakusketa honi. ]]>
Beraz, oraindik ikusi ez baduzue, ez aukera galdu. Izan ere, ez da edonolako erakusketa: Manu Muniategiandikoetxeak areto honetarako sortu eta egin zuen, espazio horretarako berariazko proiektu bat aurkezteko gonbidapenari erantzunez. Hala, obraren eta lekuaren arteko erlazioa binomio bereiztezina eta nabaritasun eztabaidaezinekoa da erakusketa guztian. Bertan, argi ikusten da obra ez dela objektua bakarrik (pintura edo eskultura), instalazioa eta obra erakusteak eragindako arazoak ere obra beraren parte direla.
Maiatzaren 10era arte duzue binomio hori bertatik bertara ikusteko aukera, 10:30etik 14:00etara eta 16:00etatik 20:30era, Erakustaretoan.
Eta ekainaren amaieran, bideojokoek hartuko dute lekukoa Erakustaretoan, Try Again erakusketan. ]]>
Bisitaldi gidatua Manu Muniategiandikoetxearekintag:www.gipuzkoakultura2.net,2008:/erakusketak//6.20082008-04-21T11:33:24Z2008-04-21T11:59:37Z Ostegunean, hilak 24, 19:00etan, KOLDO MITXELENA Kulturuneko Erakusketaretoan bisitaldi gidatu berezi bat egingo dugu Manu Muniategiandikoetxea artista gipuzkoarraren Behar gorria Primavera azul erakusketara....Gipuzkoakultura Ostegunean, hilak 24, 19:00etan, KOLDO MITXELENA Kulturuneko Erakusketaretoan bisitaldi gidatu berezi bat egingo dugu Manu Muniategiandikoetxea artista gipuzkoarraren Behar gorria Primavera azul erakusketara. ]]>
Artistak berak emango dizkigu erakusketari buruzko azalpenak eta parte hartzeko gonbidapena irekia da. Aukera paragabea, beraz, artistak berak lagunduta bere sorkuntza bertatik bertara ezagutzeko.
Manu Muniategiandikoetxeak Koldo Mitxelenaren erakustaretorako sortu eta egin du erakusketa hau, espazio horretarako berariazko proiektu bat aurkezteko gonbidapenari erantzunez. Hala, obraren eta lekuaren arteko erlazioa binomio bereiztezina eta nabaritasun eztabaidaezinekoa da erakusketa guztian. Erakusketa bisitatzerakoan, ikuslea konturatuko da obra ez dela objektua bakarrik (pintura edo eskultura), instalazioa eta obra erakusteak eragindako arazoak ere obra beraren parte direla.
Baina artistak berak azalduko digu guztia, ostegunean, 19:00ean.
Bertan ikusiko dugu elkar. ]]>
Kemen isuriatag:www.gipuzkoakultura2.net,2008:/erakusketak//6.20012008-04-18T07:28:38Z2008-04-21T07:58:27Z Asteazkenean, hilak 23, 19:30ean, Alvaro Matxinbarrenaren Kemen Isuria erakusketa inauguratuko da KOLDO MITXELENA Kulturuneko Ganbara aretoan....Gipuzkoakultura Asteazkenean, hilak 23, 19:30ean, Alvaro Matxinbarrenaren Kemen Isuria erakusketa inauguratuko da KOLDO MITXELENA Kulturuneko Ganbara aretoan. ]]>
Erakusketa honek hainbat urte hartzen ditu barne, eta proposatzen zaigun espazioa inbaditu beharreko eta ezkutatu beharreko espazio moduan aurkezten da. Normalean lanez betetzen dena tapatu egingo du kontainer bat gogora dakarren pieza gogor misteriotsu batek. Urte guzti hauetako kontainerra pieza igerikari, ia itsu, denboraz eta odolez betetako pieza bihurtua. Haren zati bakar bat irekitzen da, ardatzaren gainean irristatuz. Pieza azpitik argiztatzen da, lurretik bereizi eta hegan abia dadin. Alboetara beira-arasa hutsak, isilak. Urte hauetako aireratzeari begira datorrenei lekua egiteko.
Kemen isuria.
Data: 2008ko apirilaren 23tik ekainaren 14ra. Tokia: KOLDO MITXELENA Kulturuneko Ganbara aretoa. Ordutegia: -Asteartetik larunbatera 10:30etik 14:00etara eta 16:00etatik 20:30era. -Astelehen, igande eta jaiegunetan itxita.]]>
Try Againtag:www.gipuzkoakultura2.net,2008:/erakusketak//6.19812008-04-11T10:42:37Z2008-04-11T11:40:06ZKOLDO MITXELENA Kulturunearen webguneko Erakustaretoa laster atalean ikus dezakegun bezala, Behar gorria Primavera azul erakusketaren ondoren, bideojokoek hartuko dute aretoa, Try Again erakusketaren harira....GipuzkoakulturaKOLDO MITXELENA Kulturunearen webguneko Erakustaretoa laster atalean ikus dezakegun bezala, Behar gorria Primavera azul erakusketaren ondoren, bideojokoek hartuko dute aretoa, Try Again erakusketaren harira.]]>
Orain, erakusketa Madrilgo La Casa Encendida arte aretoan dago; apirilaren 10ean inauguratu zen eta ekainera arte egongo da bertan. Ezohiko erakusketa da, ikuslea jokalari bihurtzen baitu. Simulazioa, biolentzia eta arriskuaren kontzeptuak aztertzeko bideo-jokoa erabiltzen duten 30 artista ingururen lanak (instalazioak, monokanal bideoak eta bideo-joko elkarreragileak) biltzen ditu.
Ikusleek ia instalazio gehienetan jokatu dezakete; hala, ikusle zirenak erakusketaren zati bihurtzen dira. Izan ere, erakusketaren komisario Juan Antonio Álvarez Reyesek helburu jakin batekin diseinatu du Try Again: ikuslea bideo-jokoan duen rolari buruz hausnartzera eta biolentziari aurre ematera bultzatzea.
Suicide jokoan, esaterako, pertsonaia batek behin eta berriz hiltzen du bere burua, jokalariaren traskestasunak bultzatuta. Eta Quake III entzutetsua oinarri hartuta moldatutako Q4U jokoan ikusle/jokalariak jokoaren egilearengandik ihesi edo haren atzetik ibiltzeko aukera du.
Erakargarria, ezta? Bada ekainaren 26tik aurrera, KOLDO MITXELENA Kulturunean izango dugu ikusi, jokatu, ihesi zein segika ibili eta beste hamaika kontutarako aukera. ]]>
Arrastoa ikusteko azken egunaktag:www.gipuzkoakultura2.net,2008:/erakusketak//6.19422008-03-28T09:04:01Z2008-03-28T09:24:38ZGipuzkoakultura Otsailaren 20an Gonzalo Sánchez arte galeristaren omenezko erakusketa inauguratu genuen KOLDO MITXELENA Kulturuneko Ganbaran: Ikuspegiaren arrastoa. Apirilaren 5a, larunbata, izango da omenaldi-erakusketa hau ikusteko azken eguna. Ikusi ez bazuzue, beraz, aste bete duzue. ]]>
Galería Dieciséis arte-galeriaren bidez artista gazte eta hasi berri asko bultzatu zituen Gonzalo Sánchezek. 1983an sortu zuen arte-galeria hau eta hil arte kudeatu zuen. Ganbarako erakusketaren bidez, gaur egun artista entzutetsu diren baina garai batean hasi berri ziren hainbat artistak omenaldia egin diote.
Apirilaren 5a arte ikus ditzakezue lan horiek Ganbaran, ohiko ordutegian: asteartetik larunbatera, 10:30etik 14:00etara eta 16:00etatik 20:30era.
Erakusketaren osagarri katalogoa argitaratu dugu, artelanen irudi, argazki, eta Galerian izandako hainbat artistak Gonzalo Sánchez omentzeko idatzitako hitzekin, besteak beste. ]]>
Egiaren orduatag:www.gipuzkoakultura2.net,2008:/erakusketak//6.19242008-03-13T10:47:52Z2008-03-13T11:49:58ZGipuzkoakultura Martxoaren 6an Behar gorria Primavera azul izeneko erakusketa inauguratu genuen Erakustaretoan. Lehenago, ABCD de las Artes y las Letras aldizkariko kazetari Javier Díaz Guardiolak elkarrizketa egin zion Manu Muniategiandikoetxeari. Laster aurkeztuko dizuegun katalogoan publikatuko dugu. ]]>
Bitartean, erakusketaren kazetan (PDF; 636 KB) elkarrizketaren laburpena aurkituko duzue. Egiaren ordua izenburupean, Javier Díaz Guardiola eta Manu Muniategiandikoetxea erakusketari buruz, artistaren erronkaz, bizi duen momentuaz... solasten dira.
KOLDO MITXELENA Kulturunerako prestatu duen proiektua azken urteean lan egiteko izan duen moduarekin oso lotuta dagoela dio Manu Muniategiandikoetxeak.
Zertan datza KMrako proiektu hau? Nik uste zerikusi handia duela azken urteotako lan egiteko nire moduarekin, lana erakutsiko dudan aretoen egitura kontuan hartuta. Hortik abiatuta sortzen da gaia eta lanen hautaketa. Gustatu egiten zait erakutsiko den lekuaren arkitekturak muntakerarekin erlazioa izatea, eta KMren kasuan hori nabarmena da, espazioan dauden areto kopuru bezainbeste proiektu erakusten baitira, ia-ia.
Lanak edukiko dituen espazioa era globalean ulertzeko joera horretan, zertan zetzan Donostiako artegune horren erronka? Uste dut lanaren eta lekuaren arteko erlazioa dela honetan interesgarriena. Ez dut muntatze tipikoan erori nahi. Erakusketa eraikitzeko orduan zerbait “gertatu” behar du, zentzu bat eman behar zaio gertakari horri, osterantzean iraganeko planteamenduetan eroriko baikara berriz. Une honetan, diskurtso artistikoaren parte bat da gogoeta egitea zer den erakustea, zer esan nahi duen lana ekoizteak, zertarako erakusten den. Galdera horiei erantzuten diet ez dagoela formula magikorik, une berezi batetik sortu behar duela, esperientzia antzeko zerbait dela. Erakusketa ikustera datorrenak ulertu behar du lana ez dela objektua soilik, hura instalatzea ere badela, baita lana erakusteak dakartzan arazoak ere.
Nagusiki pintorea dela dio eta pinturak erakusketa honetan duen papera azaltzen du:
Elkarrizketatu zintudan lehen aldian pintoretzat jotzen zenuen zeure burua beste edozeren gainetik. Ez zinela eskultorea zenioen, eta espazioaren okupazioa ere ez zenuela kontrolatzen. Alabaina, zure ekoizpenean hiru dimentsioei, arkitekturari dagokion asko dago orain. Nola lortzen da azkenean begirada piktorikoa guztiaren gainetik gailentzea? Pintorea naiz. Hala ere, une honetan, eta Behar gorria dela eta, ez dakit benetan zer naizen. Pinturatik abiatzen naiz; alabaina, hemen erakutsiko dudanari begiratzen badiot, pintura nonahi dago, eta aldi berean ez dago, ez behintzat barne irudi eta barne pintura arazo batetik abiatuta planteatua, baizik eta agian bi dimentsiotakoa zertan izan ez duen pinturatik abiatuta. Beste gauza bat da emaitza ez dela ohikoa, baina ez naiz ezer aurkitzen ari, ongi baitakigu ia hori guztia abangoardiaren aurreikuspenak direla.
Artistaren esanetan arteak heziketa funtzioa izan behar du...
Mintza gaitezen zure pieza guztietan fi nkatzen den formaren eta funtzioaren arteko erlazioaz. Ezin sinetsizkoa dirudi, baina formari ez diot garrantzi handirik ematen. Ia-ia bere kabuz agertzen da. Niretzat oso errepikakorra da, eta gehienetan aitzakia izaten da lanean jarraitzeko. Hori bai, funtzioan zentratzea, gauza batek zer izan behar duen eta nola izan behar duen, zertarako balio duen, hori bizitzen ari garen egungo prozesuaren parte bat da. Uste dut arteak heziketa funtzioa izan behar duela, barne hizkuntza bat, baina gizarteari, soziologikoari, publikotasunari dagokiona.
Estetikoa baino gehiago etikoa izan behar duela esan nahi al du horrek? Horretaz ere mintzo da erakusketa, osatzen duten proiektuetako batzuk kale-plazetan egongo baitira. Gertatzen ari den horretan artistak -egituraren eragileak garen aldetikparte hartzen dugun unetik, egoera bat oinordetzeaz gain, gertatzen ari denaren eta gertatuko denaren erantzukizuna daukagu: horra hor etika.
Erakusketaren kazetan gehiago irakurri dezakezue, artistari eta azken proiektu honi buruz gehiago jakiteko. Eta laster, katalogoan. Eta noski, artistaren lanaren emaitza bertatik bertara ikus dezakezue KOLDO MITXELENA Kulturunean.
Behar gorria Primavera azul
Data: Otsailaren 6tik maiatzaren 10era, KOLDO MITXELENA Kulturuneko Erakustaretoan. Ordutegia: Asteartetik larunbatera: 10:30etik 14:00etara eta 16:00etatik 20:30era. (Astelehen, igande eta jaiegunetan itxita). Bisita gidatuak: 943 456 000 - 617 256 284]]>
Behar gorria Primavera azultag:www.gipuzkoakultura2.net,2008:/erakusketak//6.19112008-03-06T14:01:25Z2008-03-07T08:10:48Z Iritsi da eguna. Gaur osteguna, martxoak 6, 20:00etan inauguratuko da KOLDO MITXELENA Kulturuneko Erakustaretoan Manu Muniategiandikoetxearen (Bergara, 1966) Behar gorria Primavera azul erakusketa....Gipuzkoakultura Iritsi da eguna. Gaur osteguna, martxoak 6, 20:00etan inauguratuko da KOLDO MITXELENA Kulturuneko Erakustaretoan Manu Muniategiandikoetxearen (Bergara, 1966) Behar gorria Primavera azul erakusketa. ]]>
Manu Muniategiandikoetxeak Koldo Mitxelenaren erakustaretorako sortu eta egin du erakusketa hau, espazio horretarako berariazko proiektu bat aurkezteko gonbidapenari erantzunez.
Artistak berak esaten duen moduan, bere izenburuek sentsazio bati, aldarte bati, artista gisa duen begiradari eta momentu honetan artearen munduan duen egoerari erantzuten diote. Behar gorria krisi momenturako begirada baikorra da, etengabeko aldaketakoa, pauso bakoitzean zerbait ikasteko jarrerakoa. Alderdi positibo hori izenburuaren bigarren zatian islatzen da, Primavera azul. Bi zatiak paradoxa moduko bat dira eta bakoitzak kolore bati egiten dio erreferentzia.
2004an Art Basel Miami Beach azokarako egindako proiektuak eta Burgoseko Kutxaren arte zentroko erakusketa indibiduala nahiz 2007an Iruñako Baluarten 2000ko artista espainiarren erakusketa kolektiboa izan dira erakusketa berri honetarako oinarri, beste obra berri batzuk eta oraindik garatu gabeko proiektu publiko batzuekin aberastuta.
Obraren eta lekuaren arteko erlazioa binomio bereiztezina eta nabaritasun eztabaidaezinekoa da erakusketa guztian. Erakusketa bisitatzerakoan, ikuslea konturatuko da obra ez dela objektua bakarrik (pintura edo eskultura), instalazioa eta obra erakusteak eragindako arazoak ere obra beraren parte direla.
Osotasuneko koherentzia lortzeko, artistak oso kontuan izan du Koldo Mitxelenako espazioaren banaketa eta areto kopurua. Horregatik, 8 proiektu erakutsiko dira, erakusketa espazioko aretoak bezainbeste:
Ozuren basoa, 2008, olioa, 310x366, erakusketaren irudi gisa hartu da.
Baga biga higa, 2008, 2007ko Burgoseko Kutxaren arte zentroko erakusketaren egokitzapena.
Orain berriz Gulliver, 2008, Art Basel Miami Beach azokako instalazioaren egokitzapena, 2004.
Recreaciones, 2008, Alexander Rodchenkoren piezen berrinterpretazioak.
Instrucciones para náufragos, 2007, izenburu bereko liburua osatzen duten 89 marrazki erotiko serigrafiatuen aurkezpena.
Casa roja, 2008, Iruñako Baluarten 2007an Planes futuros. Arte español de los 2000 erakusketan erakutsitako piezen egokitzapena.
Bosgarren zubia, Donostiako bosgarren zubiaren eraikuntzarako esku-hartze artistikoaren proiektua.
Puente de hierro, Donostiako burdinazko zubiaren esku-hartze artistikorako proposamena.
Behar gorria Primavera azul
Data: Otsailaren 6tik maiatzaren 10era, KOLDO MITXELENA Kulturuneko Erakustaretoan. Ordutegia: Asteartetik larunbatera: 10:30etik 14:00etara eta 16:00etatik 20:30era. (Astelehen, igande eta jaiegunetan itxita). Bisita gidatuak: 943 456 000 - 617 256 284 ]]>
Manu Muniategiandikoetxeatag:www.gipuzkoakultura2.net,2008:/erakusketak//6.18982008-03-03T16:36:28Z2008-03-03T17:24:19Z Manu Muniategiandikoetxearen Behar Gorria Primavera azul erakusketa inauguratuko da ostegunean KOLDO MITXELENA Kulturuneko Erakustaretoan. Mitxel Ezquiagak El Diario Vascon egindako elkarrizketan, erakusketaren zertzeladak aurreratzen ditu artistak....GipuzkoakulturaManu Muniategiandikoetxearen Behar Gorria Primavera azul erakusketa inauguratuko da ostegunean KOLDO MITXELENA Kulturuneko Erakustaretoan. Mitxel Ezquiagak El Diario Vascon egindako elkarrizketan, erakusketaren zertzeladak aurreratzen ditu artistak. ]]>
Kazetariaren galderei erantzunez, erakusketaren izenbururak krisia eta honek ekartzen dituen aukera eta planteamendu berriak adierazten dituela azaltzen du Muniategiandikotexeak:
- La exposición se titula Behar gorria, primavera azul. ¿Por qué? - Es un pareado contradictorio y cromático. «Behar gorria» habla de una necesidad, de una crisis, y «primavera azul» sugiere una imagen amable de calma que quiere decir lo contrario. Me gusta ese juego, y además, expuesto así, sin artículos, da a las palabras una fuerza casi escultural. Cuando ves una palabra en el diccionario tiene una presencia rotunda, como un cuerpo visual.
- Dice que vive unos momentos de crisis. - A mí me gustan las crisis porque obligan al cambio: la crisis supone que un modelo viejo está muriendo y algo nuevo está naciendo. Las crisis son necesarias: suponen dudas, problemas, pero también nuevas opciones y planteamientos. Todo ese batiburrillo se ve en esta exposición: algo de lo que he sido, mucho de lo que soy y parte de lo que quiero ser.
Erakusketa hau segur aski bere erronkarik handienetako bat dela ere adierazten du:
- ¿Es esta exposición uno de sus mayores retos? - Posiblemente. Hay que distinguir entre intensidad de producción e intensidad de proyecto. Una escultura en un lugar público, como he colocado recientemente en Murcia, no tiene tanto volumen como una gran exposición pero supone un desafío. Y hay exposiciones de muchas obras que tampoco tienen tanta entidad. Pues bien, ésta del KM es extensa en tamaño e intensa en potencia. Es un escaparate de primer orden. Hace cuatro años hice otra muestra importante en la sala Rekalde de Bilbao...
Eta erakusketa Koldo Mitxelena bezalako espazio batean izatea aldi berean oparia eta erronka dela:
- ¿Exponer en Donostia, la ciudad donde vive, supone un reto suplementario? - ¡Claro! Yo preferiría que esta exposición fuera en Burgos. En otros sitios te centras en un trabajo y prescindes del contexto. Aquí no puedo olvidar que me van a ver mis amigos, mi familia... Hace muchos años que no he expuesto en San Sebastián: ocho, desde la última vez que estuve en Galería DV. Es un regalo exponer en un espacio como el Koldo Mitxelena , pero un compromiso añadido. Ocurre igual cuando me proponen exponer en Bergara, mi pueblo: es un compromiso. Si pones algo muy rompedor, no encaja; si haces algo más accesible, quizás no te quedas conforme de la propuesta.
Laster, ostegunean dagoeneko, Manu Muniategiandikoetxeak erronka hauei eman dien erantzuna ikusiko dugu Erakustaretoan. Espazio horretarako berariazko proiektu bat aurkezteko gonbidapenari erantzunez prestatu duen erakusketa. ]]>
Erakusketaren atzeantag:www.gipuzkoakultura2.net,2008:/erakusketak//6.18922008-02-28T15:56:41Z2008-02-29T07:34:56Z Manu Muniategiandikoetxearen (Bergara, 1966) erakusketa bat inauguratuko da datorren astean KOLDO MITXELENA Kulturunean. Gaia eskolako ikasle talde batek bertatik bertara ikusi berri du nola prestatzen dugun erakusketa, artistak berak lagunduta gainera....GipuzkoakulturaManu Muniategiandikoetxearen (Bergara, 1966) erakusketa bat inauguratuko da datorren astean KOLDO MITXELENA Kulturunean. Gaia eskolako ikasle talde batek bertatik bertara ikusi berri du nola prestatzen dugun erakusketa, artistak berak lagunduta gainera.]]>
Normalean, erakusketa bat ikusten dugunean, ez zaigu atzetik dagoen lana burura etortzen. Ikusi eta gozatu egiten dugu, besterik gabe. Baina dena behar bezala egoteko detaile guztiak prestatu behar dira aurretik. Gaia diseinu eskola KOLDO MITXELENA Kulturunearekin harremanetan jarri zen, erakusketa baten muntaketa lanak ikusi eta ikasleek aretoak eta piezak nola prestatzen diren ikasteko.
Esan eta egin. Ostegun goizean Gaiako ikasleak Erakustaretoan izan ziren, Manu Muniategiandikoetxearen erakusketa nola prestatzen dugun ikusten. Gainera, bisitaren helbururako ezin erakusketa egokiagoa da Erakustaretoan prestatzen ari garen hau. Izan ere, espazio horretarako berariazko proiektu bat aurkezteko gonbidapenari erantzunez sortu eta prestatu zuen Manu Muniategiandikoetxeak. ]]>
Ikuspegiaren arrastoatag:www.gipuzkoakultura2.net,2008:/erakusketak//6.18562008-02-14T09:23:07Z2008-02-14T09:38:52ZGipuzkoakultura Otsailaren 20an, asteazkena, 19:30ean Ikuspegiaren arrastoa erakusketa inauguratuko da KOLDO MITXELENA Kulturuneko Ganbara aretoan, Gonzalo Sánchez arte-galeristaren omenez.]]>
Gonzalo Sánchezek Galería Dieciséis arte-galeria sortu zuen 1983an eta hil arte kudeatu zuen. 2007ko udaran hil zen, ustekabean, gaixotasun azkar batek eramanda. Galeriaren bitartez artista gazte edo hasi berri asko bultzatu zituen, eta orain artista horiek eta bere lagunek omenaldi bat antolatu nahi izan diote-diogu (kontutan hartu behar da Gipuzkoako Foru Aldundiko arte aholkulari izan zela Arteleku irekitzekoa zen garaietan).
Data: 2008ko otsailaren 20tik apirilaren 5era. Tokia: KOLDO MITXELENA Kulturuneko Ganbara aretoa. Ordutegia: -Asteartetik larunbatera 10:30etik 14:00etara eta 16:00etatik 20:30era. -Astelehen, igande eta jaiegunetan itxita. Bisita gidatuak: kmk@komazk.com 667 346 025 – 943 112 756 ]]>
Eraiki, bete, hustu. Azken egunaktag:www.gipuzkoakultura2.net,2008:/erakusketak//6.18352008-02-07T17:27:50Z2008-02-07T07:59:26Z Azaroaren 29an hasi zen Eraiki, Bete, Hustu. Espazioaren erabilerak erakusketa KOLDO MITXELENA Kulturuneko Erakustaretoan. Bi hilabetetan jede askok gozatu du hilaren 9an bukatzen den erakusketa honetaz. Oraindik ikusi ez baduzue ez galdu aukera....Gipuzkoakultura Azaroaren 29an hasi zen Eraiki, Bete, Hustu. Espazioaren erabilerak erakusketa KOLDO MITXELENA Kulturuneko Erakustaretoan. Bi hilabetetan jede askok gozatu du hilaren 9an bukatzen den erakusketa honetaz. Oraindik ikusi ez baduzue ez galdu aukera.]]>
Erakusketak Adrian Tyler, Edward Burtynsky eta Joel Meyerowitz argazkilarien lana biltzen du, espazioaren ideia, arkitekturarekin duen harremana eta argazki bidezko errepresentazioa ardatz hartuta. Guztira 39 lan biltzen ditu (Adrian Tylerren 12 lanak diptikoak dira). Erakusketa antolatzeko espazioaren zikloa hartu da ardatz: espazioaren sorrera eta pertzeptzioa, erabilera eta, azkenik, hondamena; azken honek, bolumena libre uzten du, berriz ere eraikuntza berri batekin betetzeko.
Orain, Erakustaretoa hustu eta erakusketa berri baterako espazioa sortuko da.
Data: otsailaren 9a arte. Ordutegia: asteartetik larunbatera, 10:30etik 14:00etara eta 16:00etatik 20:30era. ]]>
Biluzien azken egunaktag:www.gipuzkoakultura2.net,2008:/erakusketak//6.18132008-01-30T11:13:56Z2008-01-30T14:45:37ZGipuzkoakultura Abenduaren 12an hasi zen KOLDO MITXELENA Kulturuneko Ganbara aretoan Miguel Ángel Álvarezen Biluzik erakusketa. Oraindik ikusi ez baduzue, larunbata, otsailak 2, duzue horretarako azken eguna. ]]>
Miguel Ángel Álvarez Tolosan jaio zen 1927an. Prestakuntza 1940. urtean hasi zuen, Donostiako Ascensio Martiarena margolariaren akademian. Geroago, 1946. urtean, Parisera joan zen eta marrazki eta pintura ikastaroak egin zituen La Grande Chaumière akademian.
Hainbat urtetean biluzia marrazketaren teknika menderatzeko tresna gisa landu zuen. 70eko urteetan etengabe landu zuen jarduera hori eta genero garrantzitsua izatera iritsi zen bere pintura-ekoizpenaren barruan. Ekoizpen horren zati handi bat ikusteko aukera duzue larunbatean bukatuko den Biluzik erakusketan.
Artista honentzat ekintza artistikotzat jotzen den margotze lana gorabehera eta sentsazioz betetako unea da eta une horrekin obrak inguratzen dituenean bere espresibitate guztia ematen die. Ildo horretatik doaz bere biluziak ere. Biluzi bakoitza momentuko interesen barruan dago eta artistaren emozioa ikus daiteke giza irudiarekin zuzenean aurrez aurre jartzen denean.
Biluzik Data: Otsailaren 2a arte. Tokia:KOLDO MITXELENA Kulturuneko Ganbara aretoa. Ordutegia: Asteartetik larunbatera 10:30etik 14:00ra eta 16:00tik-20:30era. Astelehen, igande eta jaiegunetan itxita. ]]>
Argazkia leiho bat datag:www.gipuzkoakultura2.net,2008:/erakusketak//6.17822008-01-18T08:05:44Z2008-01-31T08:56:03Z Ostegunean, hilak 24, Eraiki, Bete, Hustu. Espazioaren erabilerak erakusketa bertan parte hartzen duen argazkilari batekin bisitatzeko aukera izango dugu. Adrian Tyler (Londres, 1963) argazkilaria erakusketara etorriko da eta Argazkia leiho bat da. Proiektu pertsonal baten garapena solasaldia eskainiko du....Gipuzkoakultura Ostegunean, hilak 24, Eraiki, Bete, Hustu. Espazioaren erabilerak erakusketa bertan parte hartzen duen argazkilari batekin bisitatzeko aukera izango dugu. Adrian Tyler (Londres, 1963) argazkilaria erakusketara etorriko da eta Argazkia leiho bat da. Proiektu pertsonal baten garapena solasaldia eskainiko du. Hitzordua, 19:00etan, KOLDO MITXELENA Kulturuneko Erakustaretoan.]]>
Erakusketak espazioaren zikloa du ardatz: espazioaren sorrera eta pertzeptzioa, erabilera eta, azkenik, hondamena; azken honek, bolumena libre uzten du, berriz ere eraikuntza berri batekin betetzeko. Fase bakoitzak atal bat dauka erakusketan.
Lehenengo atala Eraiki izenekoa da; bertan daude, hain zuzen ere, Tylerren argazkiak. Eltziegon Frank Gehryk Marqués de Riscal upeltegiarentzat diseinatutako hotelaren eraikuntza prozesuan egindako argazkiak dira. Tylerrek hainbat argazki atera zituen ikuspuntu beretik, lanen prozesua erakusteko. Hala, bete gabeko espazio ireki batetik arkitekturak mugatutako baterako aldaketa argi ikusten da.
Izan ere, paisaia naturalaren eta gizakien eraikuntzaren harremana da Tylerren lanaren ardatza. Road, Room, House eta Building (azken honetakoak dira erakusketako argazkiak) argazki-sail kontzeptualen bidez, berehala lortu du artista aintzatespena. Gaur egun zentral nuklearrei buruzko argazki-sail bat prestatzen ari da. ]]>
Biluziktag:www.gipuzkoakultura2.net,2007:/erakusketak//6.17172007-12-11T12:15:54Z2007-12-11T10:51:52ZGipuzkoakultura Asteazkenean, hilak 12, 19: 30ean erakusketa berri bat inauguratuko dugu KOLDO MITXELENA Kulturuneko Ganbara aretoan: Biluzik, Miguel Ángel Álvarez margolariaren biluziak biltzen dituen erakusketa. ]]>
Miguel Ángel Álvarez Tolosan jaio zen 1927an. Prestakuntza 1940. urtean hasi zuen, Donostiako Ascensio Martiarena margolariaren akademian. Geroago, 1946. urtean, Parisera joan zen eta marrazki eta pintura ikastaroak egin zituen La Grande Chaumière akademian. 1947an Donostiako Udalaren beka bat jaso zuen berriro Parisera joateko. Geroztik gutxi gorabehera 1955eraino, urtero hiru hilabete eman zituen hiri horretan.
Pinturaren jarrera klasikoaren ikuspuntutik begiratuta, paisaiak, figurak, horma-irudiak eta biluziak margotzen ditu gauzen esentzia irudikatzeko nahiarekin. Miguel Ángel Álvarezentzat ekintza artistikotzat jotzen den margotze lana gorabehera eta sentsazioz betetako unea da eta une horrekin obrak inguratzen dituenean bere espresibitate guztia ematen die. Ildo horretatik doaz bere biluziak ere. Biluzi bakoitza momentuko interesen barruan dago eta artistaren emozioa ikus daiteke giza irudiarekin zuzenean aurrez aurre jartzen denean.
Hainbat urtetean biluzia marrazketaren teknika menderatzeko tresna gisa landu zuen. 70eko urteetan etengabe landu zuen jarduera hori eta genero garrantzitsua izatera iritsi zen bere pintura-ekoizpenaren barruan. Asteazkenetik aurrera, ekoizpen horren zati handi bat ikusteko aukera izango da Biluzik erakusketan.
Biluzik Data: Abenduaren 12tik otsailaren 2ra . Tokia:KOLDO MITXELENA Kulturuneko Ganbara aretoa. Ordutegia: Asteartetik larunbatera 10:30etik 14:00ra eta 16:00tik-20:30era. Astelehen, igande eta jaiegunetan itxita. ]]>
Eraiki, Bete, Hustu. Espazioaren erabileraktag:www.gipuzkoakultura2.net,2007:/erakusketak//6.16822007-11-26T15:13:55Z2007-11-26T17:13:05Z Azaroaren 29tik otsailaren 9ra Eraiki, Bete, Hustu. Espazioaren erabilerak erakusketa izango dugu KOLDO MITXELENA Kulturuneko Erakustaretoan....Gipuzkoakultura Azaroaren 29tik otsailaren 9ra Eraiki, Bete, Hustu. Espazioaren erabilerak erakusketa izango dugu KOLDO MITXELENA Kulturuneko Erakustaretoan. ]]>
Erakusketak Adrian Tyler, Edward Burtynsky eta Joel Meyerowitz argazkilarien lana biltzen du, espazioaren ideia, arkitekturarekin duen harremana eta argazki bidezko errepresentazioa ardatz hartuta. Guztira 39 lan biltzen ditu (Adrian Tylerren 12 lanak diptikoak dira). Erakusketa antolatzeko espazioaren zikloa hartu da ardatz: espazioaren sorrera eta pertzeptzioa, erabilera eta, azkenik, hondamena; azken honek, bolumena libre uzten du, berriz ere eraikuntza berri batekin betetzeko. Fase bakoitzak atal bat dauka erakusketan.
Eraiki atala espazioaren sorrerari dagokio. Adrian Tylerrek Eltziegon, Frank Gehryk Marqués de Riscal upeltegiarentzat diseinatutako hotelaren eraikuntza prozesuan, egindako argazkiak biltzen ditu. Tylerrek hainbat argazki atera zituen ikuspuntu beretik, lanen prozesua erakusteko. Hala, bete gabeko espazio ireki batetik arkitekturak mugatutako baterako aldaketa argi ikusten da. Diptiko bidezko aurkezpenak aldaketa hori azpimarratzen du eta, era berean, espazioaz bere mugen bidez bakarrik jabetu gaitezkeela dioen printzipioa egiaztatzen du.
Bete atalean espazioaren erabilerak bildu dira. Espazioaren erabilerak (aisia, lekualdatzea, topaketak, lana...) eta hirian egindako ibilbideak hiria ulertu eta kontatzeko modua dira. Baina azken urteotan fenomeno berri bat bizi dugu, hiritarren beharrei erantzuten zien eredua alde batera utzita, etorkizuneko hiri-aglomerazioak nagusitzen dira.Txinako megapoliak antolaketa eredu berria dira; bertan, norbanakoaren dimentsioa eraikuntzen neurrigabetasunean galtzen da. Edward Burtynsky argazkilari kanadiarrak Hiru Eztarrien presa erraldoian hasitako Txinari buruzko lana Shangai bezalako hiri erraldoiek bizi zuten aldaketa erakutsiz bukatu zuen, non garai bateko egitura erabat ezabatu eta etxe orratz erraldoiek hartzen duten espazioa.
Txinan egun bizi den prozesu honek erakusketaren hirugarren atala dakar: Hustu. Hiri batean espazio berri bat sotzeko zaharrak desagertu behar du, hutsa uzteko. Huts hau gehienetan iragankorra da baina batzuetan, denboran txertatzen da. Prozesu hau ez da inoiz New Yorkeko atentatuen ondorengoa bezain dramatikoa izan. Dorre bikiak ameriketako bizitza eta ekonomia ereduen ikur gisa eraiki ziren eta atentatuak mendebaldeko pentsaeran garai baten amaiera eta beldurrak eragindako pentsaera ekarri zuen. Lehen muduko herriek ikusi zuten indar ekonomikoa eta gizarte ereduak ezin ahulagoak zirela galtzeko bizitza bakarrik zutenen aurrean. Shock horren ondoren, hondakin tonak kendu eta gorpuak bilatzeari ekin zioten. Batzuk ez zirenn sekula agertu. Joel Meyerowitz argazkilariak bederatzi hilabete eman zituen prozesu horren argazkiak ateratzen, gero Aftermath liburuan biltzeko. Erakusketak lan horren zati bat erakusten du.
Data: azaroaren 29tik otsailaren 9ra. Ordutegia: asteartetik larunbatera, 10:30etik 14:00etara eta 16:00etatik 20:30era. (Astelehen, igande eta jaiegunetan itxita) Bisitaldi gidatuak : kmk@komazk.com]]>
Martxoaren 6an inauguratu genuen KOLDO MITXELENA Kulturuneko Erakustaretoan Behar gorria Primavera azul erakusketa. Hiru hilabete pasata, larunbatean, maiatzak 10, agur esango diogu Manu Muniategiandikoetxearen erakusketa honi. ]]>
Beraz, oraindik ikusi ez baduzue, ez aukera galdu. Izan ere, ez da edonolako erakusketa: Manu Muniategiandikoetxeak areto honetarako sortu eta egin zuen, espazio horretarako berariazko proiektu bat aurkezteko gonbidapenari erantzunez. Hala, obraren eta lekuaren arteko erlazioa binomio bereiztezina eta nabaritasun eztabaidaezinekoa da erakusketa guztian. Bertan, argi ikusten da obra ez dela objektua bakarrik (pintura edo eskultura), instalazioa eta obra erakusteak eragindako arazoak ere obra beraren parte direla. 
