Ostiralean, hilak 16, agur esango diogu KOLDO MITXELENA Kulturuneak antolatutako Jorge Oteiza (1908-2003) zikloari. Hutsaren hotsa hitzaldi eta audio lana izango da 19:30ean, eta ondoren, Ander Lipus & Karabanaren Hala mintzatu zen Zappatrusta! performancea.

Astelehenean, hilak 12, hasi zen artista oriotarraen omenezko ziklo hau eta aste osoan zehar Oteizaren hainbat alderdi aztertu ditugu KOLDO MITXELENA Kulturuneko Areto Nagusian: bere eskultore lanaren interpretazioa, bere garaiko amets eta ekintzak, egungo artistengan izandako eragina... Ostiralean amaiera borobila emango diogu zikloari.

Batetik, Hutsaren hotsa, Oteizaren poetikari buruzko errezitaldia izango dugu, Aitor Aguiriano, Jon Gerediaga, Miren Gaztañaga, eta Ander Lipusekin. Ondoren, Ander Lipus & Karabanak Hala mintzatu zen Zappatrusta! ekintza eta perfomance mitopoetikopatafisikoa eskainiko dute.

Ohi bezala, emanaldiak KMK Zuzeneanen bidez eskainiko ditugu, 19:30ean KOLDO MITXELENA Kulturunera etortzerik ez dutenek ere gozatu ahal izateko.