gipuzkoakultura - jarduerak

Igartubeiti Baserri Museoko 2010-2011 ikasturteko Jarduera Pedagogikoak

Fri, 27 Aug 2010 13:19:30 +0100

Igartubeiti Baserri Museoak Lehen Hezkuntza, DBH eta Helduen Hezkuntzako ikasleei zuzendutako ibilbide gidatu desberdinak eskaintzen ditu, baserriaren, bertako bizimodu eta arkitekturaz, baita bertako baratzaren inguruan ere.

Animazio tailerrak ere antolatzen ditugu gai horiek jorratuz, partehartzaileek proposamen erakargarri eta ludikoen bitartez baserrietako lanak ezagutuz.

Jonathan Mesonerok jasoko du 2010eko Nikanor Zabaleta beka

Fri, 16 Jul 2010 14:04:58 +0100

Jonathan Mesonero Rodriguezek, 21 urteko biolin jotzaile irundarrak, jasoko du aurtengo Nikanor Zabaleta beka. 17.000 euro jasoko ditu datorren ikasturtean Berlingo Universität der Kunsten ikasketak jarraitzeko.

Francisco Lópezen lana HOTS! irratian

Wed, 14 Jul 2010 14:01:29 +0100

Sarean duzue entzungai HOTS! irratiaren 24. saioa. Oraingoan Francisco López soinu artistak osatutako lana entzun dezakezue: hmson.

MID_E Studio 010, Artelekun

Tue, 13 Jul 2010 13:54:29 +0100

Gaur, uztailak 13, MID_E Studio 010 hasi da Artelekun, MID_E arte eta sorkuntza praktika garaikideen zortzigarren nazioarteko erakustaldiaren baitan.

Gipuzkoa 2.0 diru-laguntzak

Tue, 06 Jul 2010 11:15:40 +0100

Gipuzkoako Foru Aldundiak diru-laguntzak eskainiko ditu kultura eta euskarazko edukiak informazio teknologien bidez hedatzeko proiektuentzako. Diru-laguntzak Gipuzkoa 2.0 programaren baitan daude.

Eragiogun kulturari

Tue, 06 Jul 2010 09:53:15 +0100

Ostegunean, uztailak 8, Gipuzkoako Foru Aldundiak edukien hedapenaren modu berriei buruzko hitzaldia eskainiko du KOLDO MITXELENA Kulturuneko Areto Nagusian 19:00etatik 20:45era: ERAGIOGUN KULTURARI. Gipuzkoa2.0: edukia partekatuz, ezagutza aktibatu.

Musika eta kontzeptua

Mon, 05 Jul 2010 08:56:07 +0100

Uztailaren 26tik 30era Mattieu Saladinek Musika eta kontzeptua tailerra eskainiko du Artelekun. Musika entzuteko bakarrik al da? Gogoeta bidea ere ez ote da? Tailerrak musika eta kontzeptuaren gaineko hausnarketa proposatzen du.

Oren Ambarchi Artelekun

Fri, 02 Jul 2010 08:15:19 +0100

Duela aste batzuk, Artelekuk Francisco López soinu artista ezagutzeko aukera eman zizuen. Oraingoan, Oren Ambarchi australiarra ezagut dezakezue. Aurkezpena uztailaren 7an, 19:00etan, izango da.

Gorputzaren inplementazioa?

Tue, 29 Jun 2010 11:21:07 +0100

Uztailaren 13tik 15ra, Artelekuk YOX kolektiboak koordinatutako Gorputzaren inplementazioa? izeneko sorkuntza tailer esperimentala hartuko du. Tailerra Bart Hess artista plastiko holandarrak eskainiko du eta artistei zein arte ikasleei dago zuzenduta.

Raimund Krummeren animazio tailerrean izena emateko azken egunak

Fri, 25 Jun 2010 11:31:41 +0100

Ekainaren 30a, asteazkena, Raimund Krummek Artelekun eskainiko duen animazio tailerrean izena emateko azken eguna da. Animazio teknikarekin lan egin nahi duen artista edo errealizadorea zara? Mugi ba! Bidali zure datuak, CVa eta motibazio gutuna arteleku@gipuzkoa.net helbidera.

Euskal dantza balioan jardunaldiko dokumentazioa

Wed, 23 Jun 2010 16:16:38 +0100

Ekainaren 21ean, Euskal dantza balioan jardunaldia izan zen KOLDO MITXELENA Kulturunean. Sabin Bikandik eta Oier Araolazak euskal dantza tradizionalaren heziketa sustatzeko eta sendotzeko bideak aztertu zituzten. Orain, jardunaldian aurkeztutako dokumentuak on line daude Dantzan Ikasi webgunean.

Artelekuko haurrentzako tailerrean parte hartzeko azken egunak

Fri, 18 Jun 2010 09:58:04 +0100

Artelekuk antolatutako haurrentzako tailerrean izena emateko epea asteazkenean, ekainak 23, amaitzen da. Eva Meyer-Keller, Sybille Müller eta Rico Repotente berlindarrek 10 eta 12 urte bitarteko haurrentzako tailerra antolatu dute ekainaren 30etik uztailaren 2ra bitartean. Izena emateko, bidali mezua arteleku@gipuzkoa.net helbidera.

Euskal dantza tradizionalaren gaineko gogoeta, KMKn

Thu, 17 Jun 2010 18:13:10 +0100

Astelehenean, ekainak 21, KOLDO MITXELENA Kulturuneko Areto Nagusiak Euskal dantza balioan jardunaldia hartuko du 19:00etan. Jardunaldiaren helburua euskal dantza tradizionalaren heziketa sustatzeko eta sendotzeko bideak aztertzea da.

Litografia tailerrean parte hartzeko azken egunak

Thu, 17 Jun 2010 16:22:03 +0100

Uztailan zehar Artelekuk eskainiko duen litografia tailerrean izena emateko azken eguna ekainaren 23a, asteazkena, da. Uztailaren 1etik 30era, parte hartzaileek estanpazio prozesua hasieratik amaiera arte nola egiten den ikasiko dute Don Herbert maisu estanpatzailearen zuzendaritzapean.

Uztailan, beste serigrafia tailerra Artelekun

Tue, 15 Jun 2010 15:00:34 +0100

Artelekuk aurten antolatutako bigarren serigrafia tailerra uztailaren 19tik 24ra izango da. Tailerraren ardatz nagusia artista liburu elektronikoen ikerketa, eztabaida eta ekoizpena izango da; artista liburuaren eta media arten arteko hibridazioa proposatzen duen sormen eremua.