gipuzkoakultura - ondarea
Urtero bezala, Gipuzkoako Foru Aldundiaren Zumalakarregi Museoak, XIX. mendeko Euskal Herria gozatzeko eta ezagutzeko erreferentzia zentroak, Nazioarteko Museo Eguna ospatuko du herriko umeekin. Asteartean, hilak 20, museoaren aurreran elkartuko dira Tirabira Ormaiztegin jokoan aritzeko.
"Zumalakarregi Museoak Museoen Nazioarteko eguna ospatuko du" osorik irakurtzeko
Ireki da honezkero Gipuzkoako Artxibo Orokorraren (AGG-GAO) beken aurtengo deialdia. Uztailaren 15era arteko epea duzu proiektua aurkeztu eta gure iraganari buruzko zure ikuspegia eskaintzeko.
"Gipuzkoari buruzko ikerketa historikoak egiteko bekak" osorik irakurtzeko
Gipuzkoako Foru Aldundiaren Untzi Museoak balio historiko eta ikonografiko handiko pieza bat eskuratu du berriki: Bonaventura Peetersek lumaz (sepia tinta urkolore grisarekin) egindako marrazki bat; bertan, Kontxako badia azaltzen da, eta galeoi itzel batzuk nabarmentzen dira. Egileak ondoko data jarri zion bere lanari: 1652. urteko otsailaren 29a.
Zumalakarregi Museoak Ezetz asmatu! bildumagarri digitalaren laugarren alea argitaratu du. Oraingoan, argazkia XIX. mendeko zein gertakizuni buruzkoa den asmatu behar duzue.
Apirilaren 25ean eta 26an Zientziaren Kutxaguneak antolatu duen Experimentaldian (Zientziaren III. Azoka) parte hartuko du Gipuzkoako Foru Aldundiaren Untzi Museoak.
Untzi Museoaren funtsak gure itsas historiarekin lotutako pieza berriak ditu Juan Luis Mendizabal Marquieguiren eskuzabaltasunari esker. Izan ere, zenbait dokumentu eta material grafiko eman dizkio museoari dohaintzan. Batzuk bereak ziren eta besteak Juan Mendizabal Garaizabal aitarenak.
Apirilaren 18a Ondarearen Nazioarteko Eguna da. Aurten, Donostiako ondarea zabaldu eta zaindu nahi duten zenbait erakunde eta elkartek egun hau ospatzeko hainbat ekimen antolatu dituzte. Hitzaldiak eta bista gidatuak izango dira, aurtengo gai nagusiarekin lotuta: erlijio-artea eta toki sakratuak.
"Jardunaldiak eta bisita gidatuak, Ondarearen Nazioarteko Eguna ospatzeko" osorik irakurtzeko
Bermeoko Arrantzaleen Museoko zuzendari Aingeru Astuiren bisita jaso genuen martxoaren amaieran. Donostia, itsas hiria erakusketa ikustera etorri zen eta informazio berria eskaini zigun Untzi Museoak duela gutxi eskuratu eta orain erakusgai daukan Arichachu baporearen gouachearen inguruan.
Gipuzkoako Foru Adundiak, Kultura Sustapeneko Zuzendaritza Nagusiaren bitartez, dokumentuak zaharberritzeko urteroko diru-laguntza deialdia berreskuratu du. 2002. urtean diru-laguntza hauek eten ziren eta aurten berreskuratu dira. Deialdia martxoaren 26ko Gipuzkoako Boletin Ofizialaren GAO 57. alean argitaratu da eta eskaerak egiteko epea maiatzaren 19an bukatzen da.
"Agiriak zaharberritzeko diru-laguntzen deialdia zabalik" osorik irakurtzeko
Gipuzkoako ondare kulturala zaharberritu eta finkatzea, museoen urteko programa egitea, arkeologia ikerketak egin eta zabaltzea, agiri ondarea zaharberritzea eta Artelekuko zaharberrikuntza tailerrean praktikak egitea. Hauek dira, besteak beste, Gipuzkoako ondare kulturala zaharberritu, finkatu eta hedatzeko eska daitezkeen laguntzak, Kultura Zuzendaritza Nagusiak urtero deitzen duen diru-laguntzen programaren barruan.
"Museoak, arkeologia, zaharberritzea, ikerketa, zabalkundea..." osorik irakurtzeko
