gipuzkoakultura - ondarea

Untzi Museoa, Euskal Kostaldearen Turismo Gida-Planaren aurkezpenean

Thu, 08 Jul 2010 10:50:42 +0100

Ekainaren 30ean, Euskal Kostaldearen Turismo Gida-Planaren aurkezpen ekitaldia ospatu zen Bilbon eta Untzi Museoa han izan zen.

Untzi Museoaren hezkuntza eskaintza uztaila eta abuzturako

Wed, 07 Jul 2010 09:49:01 +0100

Untzi Museoko Hezkuntza Zerbitzuak Kontxako estropaden historiari buruzko tailerra antolatu du uztaila eta abuzturako. Parte hartzaileek kirol eder horren hastapenak ezagutuko dituzte modu ludiko eta parte-hartzailean: trainerugintzak izan duen eboluzioa, taldeen koloreetan izandako aldaketak, arraunlariaren prestaketa fisikoa edota emakumeen parte-hartzea arraunean. Estropua egiten ikasteko aukera ere izango dute.

San Adriango pasabidea 3Dn

Tue, 06 Jul 2010 14:11:42 +0100

2008. urtetik, Gipuzkoako Foru Aldundiko Kultura eta Euskara eta Landa Garapen departamentuek, Aizkorri-Aratz natur parkeak eta Gipuzkoako eta Arabako Partzuergo Nagusiak bultzatuta, San Adrianen ikerketa historiko-arkeologikoa egin dute eta azaleratutako aztarna arkeologikoak eta galtzada konpontzen ari dira.

Udalekuetako haurrentzako jarduerak Igartubeiti eta Zumalakarregin

Mon, 28 Jun 2010 09:30:26 +0100

Aurreko urteetan bezala, Igartubeiti eta Zumalakarregi museoek udalekuetako haurrentzako jarduerak antolatu dituzte udarako. Urtean zehar egindako tailerrak eskainiko dituzte: jolasak, ginkanak eta eskulanak.

Arno Gisingerren hitzaldia Untzi Museoan

Wed, 23 Jun 2010 09:41:44 +0100

Pasa den ekainaren 11n, Arno Gisinger argazkilari austriarrak Irudien politika izeneko hitzaldia eman zuen Untzi Museoan. Hitzaldian, bere proiektuetako batzuk aurkeztu eta aztertu zituen; besteak beste Konstellation. Benjamin en Exil, Walter Benjamin filosofo alemaniarraren inguruko proiektua, eta L’ordinaire de l’oubli, non irudien politika eta artearen konpromisoaren gaia jorratu zuen.

Untzi Museoak itsas ondarearekin hitzordua du

Tue, 22 Jun 2010 13:21:37 +0100

Untzi Museoak Itsas ondarearekin hitzordua hitzaldi zikloan parte hartuko du asteazkenean, hilak 23. Zikloa Oarsoaldeak eta Albaola elkarteak antolatu dute hainbat tokitan ekainaren 21a eta 24a bitartean.

Piratei buruzko pop-up motako liburuaren dohaintza Untzi Museoari

Fri, 18 Jun 2010 09:36:20 +0100

Álvaro Gutiérrez jaunak liburu zabalgarri edo pop-up book motako liburu bat eman dio Untzi Museoari dohaintzan: Captain Scurvy's most dastardly Pop-up Pirate Ship (London, 2005). Liburua irekitzean, pirata ontzi baten hiru dimentsiotako irudi ikusgarri eta ederra erakusten du.

Untzi Museoa Itsas-Arrantza Ondareari buruzko III. Jardunaldian

Fri, 18 Jun 2010 09:05:19 +0100

Soco Romano Untzi Museoko zuzendari-kideak Itsaso Sarea izeneko hitzaldia eskaini zuen ekainaren 17an Lekeitioko Kultur Etxean. Hitzaldia Lekeitioko Udalak antolatutako Itsas-Arrantza Ondareari buruzko III. Jardunaldiaren parte da.

Karlistaden paisaiak ezagutzeko aukera duzue oraindik

Tue, 08 Jun 2010 12:17:32 +0100

Zumalakarregi Museoak txango antolatu du Lizarraldera larunbat honetarako, ekainak 12. Oraindik tokia dago, beraz, garaiz zabiltzate izena emateko. Anima zaitezte!

Untzi Museoa omendu dute aurtengo Ibilaldian

Thu, 03 Jun 2010 11:00:40 +0100

Aurtengo Ibilaldiak itsasoaren eta euskararen alde lan egiten duten pertsona zein erakundeak omendu ditu; besteak beste, Untzi Museoa.

Baserri eguna Igartubeitin

Tue, 01 Jun 2010 11:32:38 +0100

Igartubeiti Baserri Museoak Baserri eguna antolatu du iganderako, ekainak 6. Hainbat ekitaldi izango dira goiz osoan zehar: Jose Iza Peñagarikano arotzari omenaldia, bertsolariak, solasaldia Jakoba Errekondorekin, gaileta ekologikoak egiteko tailerra, oilasko erretzea, trikitixa, erakusketa eta bisita gidatuak.

Ibilaldiak Untzi Museoa omenduko du

Thu, 27 May 2010 11:39:08 +0100

Aurtengo Ibilaldian, Untzi Museoa omenduko dute azken urteotan euskalgintzara eta kulturgintzara egindako ekarpenagatik. Ibilaldia Bizkaiko Ikastolen Elkarteak urtero antolatzen duen jaia da eta, 1997tik, euskararen eta kulturaren alde esparru jakin batean lanean diharduten pertsonak eta elkarteak omentzen ditu.

Untzi Museoa DEAC Jardunaldietan izango da

Wed, 26 May 2010 09:26:28 +0100

Untzi Museoko hezkuntza zerbitzuko arduradunak DEAC departamenduek antolatutako XVI. jardunaldietan hartuko du parte. Jardunaldiak Valentziako Arte Garaikideko IVAMen izango dira maiatzaren 27, 28 eta 29an.

Giro bikaina Tirabira Ormaiztegin

Tue, 25 May 2010 10:36:19 +0100

Pasa den ostiralean, maiatzaren 21ean, Zumalakarregi Museoak Tirabira Ormaiztegin jolasa antolatu zuen Museoen Egunaren harira. Primerako giroa izan zen, bai eguraldiaren aldetik eta baita parte hartu zuten haur eta gurasoen aldetik ere.

Untzi Museoak Kontxako estropaden historia tailer didaktikoa martxan jarri du

Fri, 21 May 2010 10:50:56 +0100

Kontxako estropaden historia modu dibertigarri eta parte-hartzailean ezagutu nahi al duzue? Gerturatu Untzi Museora eta parte hartu Kontxako estropaden historia tailer didaktiko berrian!