gipuzkoakultura - ondarea

Donostia XIX. mendean. Untzi Museoak Antonio Brugadaren olio-lan bat eskuratu du

Thu, 17 Jul 2008 13:32:51 +0100

Untzi Museoak XVII. mendeko Kontxako badiaren koadro bat eskuratu zuela kontatu genizuen maiatzean. Orain, bi hilabete geroago, Zurriolako hondartzaren txanda da. Izan ere, Gipuzkoako Foru Aldundiak Donostiako kaian duen Untzi Museoak Antonio Brugadaren 1858ko olio-pintura bat eskuratu du. Zurriola hondartzatik ikusitako ilunabarra agertzen da eta bertan harresiak bota aurreko Donostiaren itxura nolakoa zen ikus daiteke.

Untzi Museoaren kudeaketa eredua

Mon, 07 Jul 2008 10:27:46 +0100

Untzi Museoak ekainaren 30 eta uztailaren 1ean Iniestan (Cuenca) izan diren Jornadas de Gestión de Patrimonio Arqueológico izeneko jardunaldietan parte hartu du. Bertan, El Museo Naval de San Sebastián: un modelo de gestión hitzaldia eskaini du Untzi Museoko zuzendarikide Soco Romano Aguirrek.

Itsas ondareari buruz

Mon, 30 Jun 2008 11:08:37 +0100

Ekainaren 18an, asteazkena, Itsas Ondarea turistikoki balioestearen inguruko I. Jardunaldian parte hartu zuen Untzi Museoak, Lekeitioko Kultur Etxean.

Ezetz asmatu nor den!

Wed, 25 Jun 2008 09:40:29 +0100

Asmatu al zenuten zenuten Ezetz Asmatu! bildumagarri digitalaren bosgarren alearen erantzuna? Ezagutu zenuten Pasaiako grabatua? Asmatu ez bazenuten, lasai; Zumalakarregi Museoak bildumagarriaren seigarren alea argitaratu berri du eta, beraz, hemen beste aukera bat duzue. Oraingoan, irudian azaltzen den pertsonaia nor den behar duzue.

Karl Ferdinand Henningsenek egindako marrazkien koadernoa

Mon, 23 Jun 2008 18:24:39 +0100

Karl Ferdinand Henningsenek egindako 11 marrazki soltez osatutako kuaderno ezezagun eta interesgarria eskuratu du Zumalakarregi Museoak.

Uda Igartubeitin

Thu, 19 Jun 2008 16:25:13 +0100

Ate joka dugu uda. Kostata bada ere, oraingoan eguzkia bera ere gure artean geratzeko iritsi dela dirudi. Eta jende askok aisiaz gozatzeko denbora gehiago izango du. Beraz, une aproposa izan daiteke Igartubeiti Baserri Museoa bisitatu eta XVI. eta XVII. mendeetako euskal baserrien eguneroko bizitza ezagutzeko. Udako ordutegia ekainaren 15ean hasi zen eta irailaren 15a arte egongo da indarrean:

Urtebeteko ibilbidea mendetako itsas historian zehar

Thu, 05 Jun 2008 10:41:51 +0100

Untzi Museoaren Donostia, itsas hiria erakusketak urtebete egingo du datorren astean. 2007ko ekainaren 12an inauguratu zen eta Gipuzkoako Foru Aldundiak Donostian duen museoaren ildoan aldaketa ekarri zuen.

Zein herri da?

Fri, 23 May 2008 10:10:50 +0100

Asmatu al zenuten Ezetz Asmatu! bildumagarri digitalaren laugarren alearen erantzuna? Espoz Mina Jeneralak agindutako Lekarozko sutea, horixe zen irudiaren atzean izkutatzen zen gertakizuna. Asmatu ez bazenuten, lasai; Zumalakarregi Museoak bildumagarriaren bosgarren alea argitaratu berri du eta, beraz, hemen beste aukera bat duzue. Oraingoan, irudian azaltzen den herriaren izena asmatu behar duzue.

Igartubeiti Baserri Museoa itxita ekainaren 4a arte

Thu, 22 May 2008 10:55:27 +0100

Gipuzkoako Foru Aldundiaren Igartubeiti Baserri Museoa ekainaren 4ra bitartean publikoarentzat itxita egongo da arrazoi teknikoak medio.

Kultur Ondarearen Didaktika

Wed, 21 May 2008 18:13:39 +0100

Zumalakarregi Museoak, XIX. mendeko Euskal Herriaz jakiteko eta gozatzeko erreferentzia den zentroak, UEU Udako Euskal Unibertsitatearekin batera, Kultur Ondarearen Didaktikari buruzko ikastaroa antolatu du. 2008ko uztailaren 2an eta 3an eskainiko du Eibarren.

Museoen eguna, egunero

Mon, 19 May 2008 11:47:45 +0100

Joan den igandean, hilak 18, Museoen Nazioarteko Eguna ospatu zen. Hala ere, egunero ospatu dezakegu museoen eguna. Egunero gozatu dezakegu Gipuzkoan dugun museo eskaintza zabalaz.

Museoen Nazioarteko Eguna Untzi Museoan

Fri, 16 May 2008 13:46:29 +0100

Maiatzaren 18a Museoen Nazioarteko Eguna da eta Untzi Museoak ospakizunekin bat egingo du. Horregatik, larunbata eta iganderako, hilak 17 eta 18, hainbat ekitaldi prestatu ditu.

Zumalakarregi Museoak Museoen Nazioarteko eguna ospatuko du

Thu, 15 May 2008 17:39:37 +0100

Urtero bezala, Gipuzkoako Foru Aldundiaren Zumalakarregi Museoak, XIX. mendeko Euskal Herria gozatzeko eta ezagutzeko erreferentzia zentroak, Nazioarteko Museo Eguna ospatuko du herriko umeekin. Asteartean, hilak 20, museoaren aurreran elkartuko dira Tirabira Ormaiztegin jokoan aritzeko.

Gipuzkoari buruzko ikerketa historikoak egiteko bekak

Fri, 09 May 2008 11:43:56 +0100

Ireki da honezkero Gipuzkoako Artxibo Orokorraren (AGG-GAO) beken aurtengo deialdia. Uztailaren 15era arteko epea duzu proiektua aurkeztu eta gure iraganari buruzko zure ikuspegia eskaintzeko.

Kontxako badia XVII. mendean

Thu, 08 May 2008 16:45:18 +0100

Gipuzkoako Foru Aldundiaren Untzi Museoak balio historiko eta ikonografiko handiko pieza bat eskuratu du berriki: Bonaventura Peetersek lumaz (sepia tinta urkolore grisarekin) egindako marrazki bat; bertan, Kontxako badia azaltzen da, eta galeoi itzel batzuk nabarmentzen dira. Egileak ondoko data jarri zion bere lanari: 1652. urteko otsailaren 29a.